كێ پێویسته‌ ته‌وبه‌ بكات تۆ یان شێخ ربیع ؟
سەردان : ٣٩٩
بەروار : ٢٠١٨/٠٦/١٥


بسم الله والحمدلله والصلاة والسلام علی رسول الله
 وقال علامة اليمن الشيخ مقبل بن هادي الوادعي رحمه الله في شريط الأسئلة السنية لعلاّمة
الديار اليمنية، أسئلة شباب الطائف :(( مِنْ أبصر الناس بالجماعات وبدخن الجماعات في هذا العصر :الأخ الشيخ ربيع بن هادي -حفظه الله-،مَن قال له ربيع بن هادي إنه حزبي فسينكشف لكم بعد أيام إنه حزبي،ستذكرون ذلك، الشخص يكون في بدء أمره متستراً ما يحب أن ينكشف أمره لكن إذا قوي وأصبح له أتباع، ولايضره الكلام فيه أظهر ما عنده، فأنا أنصح بقراءة كتبه و الاستفادة منها -حفظه الله تعالى- )). 
 واته‌: شیخ مقبل الوادعی ـ ڕه‌حمه‌تی خوای لێ بێ ـله‌ وه‌ڵامی پرسیاری گه‌نجه‌كانی تائیفدا فه‌رمویه‌تی:شێخ ربیع به‌ شاره‌زاترین كه‌س داده‌نرێت له‌ ناسینی لاڕێ بوان و گومڕا بوانی ده‌سته‌و تاقمه‌كانی سه‌رده‌م. هه‌ركه‌سێك شیخ ربیع پێی ووت: ئه‌وه‌ حیزبییه‌ دوای ماوه‌یه‌ك بۆتان ده‌رده‌كه‌وێت كه‌وایه‌،له‌ مه‌ولا ئه‌م قسانه‌تان بیر ده‌كه‌وێته‌وه ، كه‌سی وا هه‌یه‌ له‌ سه‌ره‌تاوه‌ خۆی ده‌رناخات و پێی خۆش نییه‌ شته‌كانی ئاشكرا ببن ،به‌ڵام كاتێك به‌ هێز بوو شوێنكه‌وته‌كانی زۆر بوون ،ئه‌و كاته‌ خۆی ده‌رده‌خات كه‌ ـ واده‌زانێت ـ(جرح )كردن  زیانی پێ ناگه‌یه‌نێت،هه‌ر بۆیه‌ من ئامۆژگاریتان ده‌كه‌م كه‌كتیبه‌كانی بخوێننه‌وه‌ و سودی لێ ببینن ـ خوای گه‌وره‌ بیپارێزێت.

 كه‌واته‌: په‌ند و ئامۆژگاری له‌ ووته‌ی گه‌وره‌ زانایان وه‌ر بگرن چونكه‌ فه‌رمانمان پێكراوه‌ گوێڕایه‌ڵیان بین و له‌ قسه‌یان ده‌رنه‌چین مادام پێچه‌وانه‌ی ده‌قه‌كانی قورئان وسونه‌ت نه‌بێ،خۆشه‌ویستان ئاشكرایه‌ كه‌ هه‌ندێك له‌ زانایانی سه‌رده‌م وه‌ك شێخ ربیع و شیخ عبید و شیخ عبدالله بوخاری جه‌رحی دكتۆریان كردوه‌ و خه‌ڵكیان لێ ئاگادار كردوه‌ته‌وه‌ له‌دوای ئامۆژگاریكردنی......, ئێستا له‌ باتی ئه‌وه‌ی دكتۆر به‌ هه‌ڵه‌كانی خۆیدا بچێته‌وه‌ و  ده‌ستیان لێ هه‌ڵبگرێت كه‌ چی زانایان تۆمه‌تبار ده‌كات به‌وه‌ی كه‌ ئه‌وان حیزبایه‌تی ده‌كه‌ن و پێویسته‌ شیخ ربیع ته‌وبه‌بكات !!! سبحان الله ئه‌و شێخ ربیعه‌ی عه‌رشی هه‌مو حیزب و ده‌سته‌و تاقمه‌ گومڕاكانی هێناوه‌ته‌ له‌رزه‌ و هه‌موو قه‌واعید و بنه‌ما چه‌وته‌كانیانی هه‌ڵوه‌شاندووه‌ته‌ و موسڵمانان سودێكی زۆریان لێ بینیوه‌  به‌گشتی و به‌تایبه‌تیش له‌م بواره‌دا كه‌ سوارچاكی ئه‌م مه‌یدانه‌یه‌،وه‌ك زانای فه‌رموده‌ناس شێخ محمد بن علي بن آدم الوَلَّوِي خاوه‌نی كتێبی (البحر المحيط  الثجاج في شرح صحيح الامام مسلم بن حجاج ) پێی ده‌فه‌رموێت :(( الشيخ ربيع شعبة في هذا العصر والذي يذمونه ويصفونه بـ الشدة فإن له سلف في ذلك من العلماء ولا يعاديه إلا المنحرفون))

واته‌: شێخ ربیع  ئیمام شوعبه‌یه‌ له‌م سه‌رده‌مه‌دا ئه‌وانه‌شی كه‌ به‌ توندی وه‌صفی ده‌كه‌ن به‌ڕاستی پێشینی هه‌بووه‌ له‌ زانایانی سه‌له‌ف ـ كه‌ توند بون له‌سه‌ر ئه‌هلی بیدعه‌ ـ بێگومان هیچ كه‌سێك دژایه‌تی ناكات جگه‌ له‌ مونحه‌ریفه‌كان نه‌بێ .

وه‌ پێشتریش شێخ ئه‌لبانی ـ رحمه الله ـ پێی فه‌رموو بوو :هه‌ڵگری به‌یداخی جه‌رح و ته‌عدیله‌ له‌م سه‌رده‌مه‌دا و ئه‌وانه‌شی وه‌ڵامی ده‌ده‌نه‌وه‌ به‌ علم و زانست وه‌ڵامی ناده‌نه‌وه‌.

خۆشه‌ویستان ده‌بینین  شێخ ربیع زانایانی كۆچكردوو ـ ڕه‌حمه‌تی خوایان لێ بێ ـ  وه‌ك شێخ ابن باز و شێخ ئه‌لبانی و شێخ ابن عثيمين و شێخ مقبل له‌ علم و مه‌نهه‌ج و عه‌قیده‌ی ڕازی بوون، وه‌ هه‌روه‌ها ئه‌و  زانایانه‌ش كه‌ هێشتا له‌  ژیاندا ماون وه‌ك موفتی عام و شێخ فوزان و شێخ لحێدان و شێخ عه‌باد و شێخ ابن ادمی وه‌للوی و چه‌ندانی تر به‌هه‌مان شێوه‌ له‌ علم و مه‌نهه‌ج و عقیده‌ی ڕازین و مه‌دحی ده‌كه‌ن و دۆعای خێری بۆ ده‌كه‌ن، به‌ڵام ئاشكرایه‌ ئه‌و چه‌ند زانایایه‌ی كه‌ پێشتر به‌چاكه‌ باسی دكتوریان ده‌كرد ئێستا له‌به‌ر لادانی به‌ خراپه‌ باسی ده‌كه‌ن و حوكمی زۆر قورسیان له‌سه‌ری داوه‌ ......وابزانم ئێستا ده‌ركه‌وت كه‌ كێ پێویسته‌ ته‌وبه‌ بكات دكتۆر یان شێخ ربیع ؟
خوای گه‌وره‌ سابتمان بكات له‌سه‌ر ڕێگه‌ی ڕاست و له‌ لاڕێ بوون و گومڕایی بمان پارێزێت. 
وصلی الله وسلم علی نبینا محمد وعلی اله وصحبهاجمعین. 

 محسن محمود سلیمان
 1/ شوال / 1439 ك ........15 / حوزه‌یران / 2018 م